തിരുവനന്തപുരം: സിവിൽ റൈറ്റ്സ് ആൻഡ് സോഷ്യൽ ജസ്റ്റീസ് സൊസൈറ്റിയുടെ ഡോ. എസ്. ബലരാമൻ മനുഷ്യാവകാശ സംരക്ഷണ അവാർഡിന് ഡൽഹി കേന്ദ്രീകരിച്ചു പ്രവർത്തിക്കുന്ന മലയാളി അഡ്വ. ഡോ. കെ.സി. ജോർജ് അർഹനായി.
തിരുവനന്തപുരത്ത് തൈക്കാട് ഗാന്ധിഭവനിൽ ഇന്നു വൈകുന്നേരം നാലിനു നടക്കുന്ന ചടങ്ങിൽ അവാർഡ് സമ്മാനിക്കും.
പാർശ്വവത്കരിക്കപ്പെട്ട കുട്ടികളുടെയും അമ്മാരുടെയും ഉന്നമനത്തിനായി പ്രവർത്തിക്കുന്ന ദീപാലയ എന്ന എൻജിഒയുടെ സിഇഒ ആയ ഇദ്ദേഹം ലൈംഗികമായി ദുരുപയോഗം ചെയ്യപ്പെട്ട കുട്ടികളെ മുഖ്യധാരയിലെത്തിക്കുന്നതിനുള്ള പ്രവർത്തനങ്ങൾക്കു നേതൃത്വം നൽകിയിട്ടുണ്ട്.
കേന്ദ്ര സർക്കാരിന്റെ വനിത, ശിശു വികസന മന്ത്രാലയത്തിൽ 1992 മുതൽ 2022 വരെ സേവനമനുഷ്ഠിച്ച ഡോ. ജോർജ് ജോയിന്റ് ഡയറക്ടർ ആയാണ് വിരമിച്ചത്. തുടർന്ന് കൈലാഷ് സത്യാർഥിയുടെ ചിൽഡ്രൻസ് ഫൗണ്ടേഷനലും ഇന്ത്യ ചൈൽഡ് പ്രൊട്ടക്ഷനിലും എക്സിക്യൂട്ടീവ് ഡയറക്ടർ ആയും പ്രവർത്തിച്ചിട്ടുണ്ട്. എറണാകുളം നോർത്ത് പറവൂർ കുന്നത്ത് കുടുംബാംഗമാണ്.
E-paper LOGIN
LOGIN
